Xitoyning Sichuan viloyatida 5,7 balli zilzila yuz berdi. Bu haqda Xitoy seysmologiya markazi xabar bermoqda.
Xabarda aytilishicha, yerosti silkinishlari mahalliy vaqt bilan 12.46da (Toshkent vaqti bilan 9.46) Ibin okrugining Sinven uyezdida qayd etilgan. Zilzila o‘chog‘i 12 kilometr chuqurlikda ekanligi xabar qilingan.
Hozircha jabrlanganlar va vayronagarchiliklar to‘g‘risida ma'lumot kelib tushmagan.