IIV sohaviy xizmatlarida yangi lavozim tayinlovlari ro‘y berdi

O‘zbekiston Respublikasi Ichki ishlar vazirligi tizimida yangi lavozim tayinlovlari ro‘y berdi. Bu haqda vazirlik matbuot xizmati xabar qilmoqda.

Qayd etilishicha, quyidagilar sohaviy xizmatlarda rahbarlik lavozimlariga tayinlandilar:

polkovnik Mahamadali Ismoilov - O‘zbekiston Respublikasi IIV Jazoni ijro etish bosh boshqarmasi huzuridagi Probatsiya xizmati boshlig‘i lavozimiga;

polkovnik Gapur Bekchanovich Kurambayev - O‘zbekiston Respublikasi IIV Xalqaro aeroportlarda xavfsizlikni ta'minlash qo‘shinlari qo‘mondonining kadrlar, harbiy vatanparvarlik, ma'naviy-axloqiy tarbiya va yoshlar bilan ishlash bo‘yicha o‘rinbosari lavozimiga.

Eslatib o‘tamiz, avvalroq Ichki ishlar vazirligi Patrul post xizmati va jamoat tartibini saqlash Bosh boshqarmasining yangi rahbari tayinlangandi.