Ўзбекистон Республикаси Ички ишлар вазирлиги тизимида янги лавозим тайинловлари рўй берди. Бу ҳақда вазирлик матбуот хизмати хабар қилмоқда.
Қайд этилишича, қуйидагилар соҳавий хизматларда раҳбарлик лавозимларига тайинландилар:
полковник Маҳамадали Исмоилов - Ўзбекистон Республикаси ИИВ Жазони ижро этиш бош бошқармаси ҳузуридаги Пробация хизмати бошлиғи лавозимига;
полковник Гапур Бекчанович Курамбаев - Ўзбекистон Республикаси ИИВ Халқаро аэропортларда хавфсизликни таъминлаш қўшинлари қўмондонининг кадрлар, ҳарбий ватанпарварлик, маънавий-ахлоқий тарбия ва ёшлар билан ишлаш бўйича ўринбосари лавозимига.
Эслатиб ўтамиз, аввалроқ Ички ишлар вазирлиги Патрул пост хизмати ва жамоат тартибини сақлаш Бош бошқармасининг янги раҳбари тайинланганди.