«Mening yurtim» telekanali madhiyasi taqdim etildi

Bugun soat 18.00da O‘zbekiston yoshlar ittifoqi markaziy kengashi raisi Qahramon Quronboyevning Facebook’dagi rasmiy sahifasi orqali My5 telekanalining madhiyasi taqdim etildi.

Ma'lumki, “Mening yurtim” telekanali O‘zbekiston yoshlar ittifoqi, O‘zbekiston elektron ommaviy axborot vositalari milliy assotsiatsiyasi va “O‘zbekkonsert” davlat muassasasi hammuassisligida yoshlar auditoriyasi uchun faoliyat yuritadi. 

O‘zbekiston telekanallari reytingida yuqori uchlikdan muqim o‘rin egallagan kanal o‘zining “Markaziy studiya”, “E'tibor markazida”, “Hudud”, “Diydor shirin” kabi ko‘rsatuvlari va yoshlarbop formatdagi rang-barang dasturlari bilan tomoshabinlar o‘rtasida mashhur hisoblanadi.