Yaponiya Rossiyaga janubiy Kuril orollari bo‘yicha tovon puli talab qilish huquqidan o‘zaro voz kechishni taklif qiladi. Bu haqda Yaponiyaning Yomiuri gazetasi vaziyatdan xabardor manbalarga asosan yozmoqda.
Taxminlarga ko‘ra, o‘zaro e'tirozlardan voz kechish Ikkinchi jahon urushi yakunlari bo‘yicha tinch bitim bilan bir vaqtda ikki mamlakat tomonidan imzolanishi lozim. Yapon tomonining fikricha, da'volar tinchlik o‘rnatish bo‘yicha murakkab muzokaralarni yanada og‘irlashtirishi mumkin.
Hozirgi vaqtda Tokio janubiy Kuril orollarini Rossiya «okkupatsiyasida» bo‘lgan o‘zining «shimoliy hududlari» deb ataydi, shu sababdan u Rossiyadan tovon to‘lash huquqi haqida ma'lum qilmoqda. Shu tariqa, hujjatga ko‘ra, Yaponiya bu da'volardan voz kechmoqchi.
Manbalar ma'lumotiga ko‘ra, Tokio yerga bo‘lgan huquqini yo‘qotgan, orollar sobiq aholisiga tovon pulini davlat g‘aznasidan mustaqil ravishda to‘lab berishi hamda ularni Rossiyadan talab qilmasligi mumkin.
Shu bilan birga, yapon tomonining fikricha, Moskva Kuril orollari bo‘yicha javob da'volar uchun hech qanday asosga ega emas.
Eslatib o‘tamiz, avvalroq Abe Rossiya bilan Kuril bo‘yicha muzokaralarga "nuqta qo‘yishga" va'da bergandi.
