Fransiyada «sariq jiletlar» yo‘l radarlarining yarmidan ko‘pini yo‘q qildi

Fransiya ichki ishlar vaziri Kristof Kastanerning ma'lum qilishicha, Fransiyadagi namoyishchilar tezlik rejimiga rioya etishni nazoratda ushlab turgan 3200 dan ortiq radarni yo‘q qilishgan. Bu haqda BFMTV xabar bermoqda.

Kastaner so‘zlariga ko‘ra, «sariq jiletlar» Fransiyadagi barcha yo‘l radarlarining 60 foizidan ko‘pini yo‘q qildi.

«Yo‘l radarlarining qariyb 60 foizi hozir ishlamayapti yoki butunlay yo‘q qilindi», - deya hisobot bergan Kastaner.

Uning qayd etishicha, o‘zini «sariq jiletlar» deb ko‘rsatganlar bu ish bilan shug‘ullangan.

Eslatib o‘tamiz, avvalroq Yelisey saroyi matbuot xizmati rahbari iste'foga chiqayotgani xabar berilgandi.