Spiegel: Germaniya armiyasida Eron uchun ishlagan josus bo‘lganligi gumon qilinmoqda

Germaniya huquqni muhofaza qilish idoralari bundesverda xizmat qilgan 50 yoshli shaxsni Eron maxsus xizmatlariga yollanganlikda gumon qilib hibsga oldi. Bu haqda Spiegel jurnali xabar berdi.

Nashrning xabar berishicha, kelib chiqishi afg‘onistonlik bo‘lgan gumonlanuvchi Abdul Hamid S.  GFRning Afg‘onistondagi operatsiyada ishtirokiga oid maxfiy ma'lumotlar bilan tanishish imkoniyatiga ega bo‘lgan. U bundesver qo‘mondonligida lingvistika xizmati bilan shug‘ullangan hamda o‘lkashunoslik bo‘yicha axborotlar berib turgan. 

Uning qancha vaqt davomida Eron foydasiga josuslik qilgani va boshqa tafsilotlar oshkor qilinmayapti.

Jurnal gumonlanuvchiga nisbatan ayblov e'lon qilingani borasida ham ma'lumot bermagan.