Pentagon iqlim o‘zgarishi sababli AQSh harbiy obektlari xatarlarga duch kelishi mumkinligini bildirdi

Iqlim o‘zgarishi natijasida yuzaga keladigan suv toshqinlari, qurg‘oqchilik va o‘rmon yong‘inlari AQSh hududiga harbiy obektlarning uchdan bir qismiga bevosita xavf tug‘diradi. Bu haqda AQSh mudofaa vazirligi Kongressga tegishli hisobot jo‘natdi.

Politico gazetasi tayangan ushbu hujjatda qayd etilishicha, gap kamida 79 obekt haqida bormoqda. Ulardan 53tasiga suv toshqinlari muntazam ziyon yetkazmoqda, 43 tasi qurg‘oqchilik ta'siri ostida va 36tasiga o‘rmon yong‘inlari xavf solmoqda.

Mutaxassislarning taxminlariga ko‘ra, kelajakda yana 60ta obekt suv ostida qolishi, 48tasi qurg‘oqchilik va 43tasi o‘rmon yong‘inlari ta'sirida qolishi mumkin.

Hujjatda aytilishicha, mudofaa vazirligi iqlim o‘zgarishlarini hisobga olgan holda harbiy bazalarni mustahkamlash bo‘yicha choralar ko‘rishni boshlab yuborgan.