Davlat aktivlarini boşqariş agentligining asosiy vazifalari ma'lum böldi

Agentlik tizimiga quyidagilar kiradi:

Agentlik markaziy apparati;

Agentlikning Qoraqalpoğiston Respublikasi, viloyatlar va Toşkent şahar hududiy boşqarmalari;

Qimmatli qoğozlar markaziy depozitariysi;

Xususiylaştiriş va davlat aktivlarini boşqariş muammolarini örganiş markazi;

Agentlikning Qoraqalpoğiston Respublikasi, viloyatlar va Toşkent şahar hududiy boşqarmalari huzuridagi “Davlat mulkini ijaraga beriş markazi”;

Binolardan foydalaniş direksiyasi.

Quyidagilar Agentlikning asosiy vazifalari hisoblanadi:

davlat aktivlarini samarali boşqariş böyiça yagona davlat siyosatini yuritiş;

öziga berilgan davlat iştirokidagi korxonalar ustav kapitalidagi davlat aksiyalari paketlari (uluşlari) böyiça aksiyador (ta'sisçi va iştirokçi) huquqlarini amalga oşiriş;

ilğor xorijiy tajriba asosida davlat iştirokidagi korxonalarda zamonaviy korporativ boşqaruv şakl va usullarini joriy qiliş, ularni boşqarişda kuzatuv kengaşi va aksiyadorlarning rolini tubdan oşiriş;

davlat iştirokidagi korxonalarni, şu jumladan xalqaro moliya institutlari tavsiyalari asosida bosqiçma-bosqiç içki va taşqi bozorlarda raqobatlaşa oladigan, samarali korxonalarga aylantirişga kömaklaşiş;

davlat iştirokidagi korxonalar faoliyatining samaradorligi va şaffofligini ta'minlaş, boşqaruv tuzilmasini optimallaştiriş, yuqori daromadlilik va kapitalizatsiyani oşiriş, sohasiga kirmaydigan va foydalanilmayotgan aktivlarini çiqarib taşlaşga qaratilgan rivojlantiriş strategiyalarini işlab çiqiş va tasdiqlaşni muvofiqlaştiriş;

davlat manfaatlarini ta'minlagan holda, şu jumladan davlat aksiya paketlarini (uluşlarini) işonçli boşqaruvga beriş orqali investitsiya faoliyatini amalga oşiriş;

davlat iştirokidagi korxonalarning obligatsiya va aksiyalarini çiqariş va realizatsiya qiliş, şu jumladan mahalliy va xorijiy fond birjalarida IPO/SPO böyiça emissiyalarni joylaştiriş hisobiga, şu jumladan töğridan-töğri xorijiy investitsiyalarni, şuningdek portfel investitsiyalarni jalb qiliş;

davlat aktivlarini realizatsiya qiliş (xususiylaştiriş), şu jumladan, «nol» xarid qiymati böyiça va ijaraga berişning oçiq va şaffof mexanizmini ta'minlaş, investorlar tomonidan qabul qilingan investitsiya va ijtimoiy majburiyatlar bajarilişi ustidan monitoring qiliş, şuningdek davlat xususiy şeriklik böyiça takliflarni tayyorlaşda iştirok etiş;

tahlil asosida davlat iştirokidagi faoliyat yuritmayotgan, past rentabelli va zarar körib işlayotgan korxonalarni aniqlaş, ularni moliyaviy soğlomlaştiriş hamda faoliyati samaradorligini oşiriş dasturlarini işlab çiqiş va amalga oşirişda iştirok etiş;

bankrotlik töğrisidagi işlar böyiça davlat siyosatini amalga oşiriş;

Özbekiston Respublikasi Moliya vazirligi bilan birgalikda davlat iştirokidagi korxonalarda samarali dividend siyosatini olib boriş;

baholaş faoliyatining davlat tomonidan tartibga solinişini ta'minlaş, mol-mulkni baholaş standartlarini tasdiqlaş, şuningdek rieltorlarni sertifikatlaştiriş;

davlat iştirokidagi korxonalarning ustav kapitalidagi davlat uluşini boşqarişning bozor mexanizmlarini işlab çiqiş;

davlat iştirokidagi korxonalarda zamonaviy korporativ boşqaruv usullarini joriy etiş, uşbu korxonalar faoliyatining samaradorligi uçun ularning boşqaruv organlari mas'uliyatini oşiriş.

Agentlik markaziy apparatining asosiy vazifalari quyidagilardan iborat:

1) Hududiy boşqarmalar va idoraviy mansub tuzilmalar bilan birgalikda Agentlikka yuklangan vazifalar va funksiyalarning samarali bajarilişini ta'minlaş;

2) davlat aktivlarini boşqariş, xususiylaştiriş, davlat iştirokidagi korxonalarni moliyaviy soğlomlaştiriş, bankrotlik, baholaş va rieltorlik faoliyati sohasida davlat boşqaruvini ta'minlaş va muvofiqlaştiriş;

3) rivojlangan xorijiy davlatlar tajribasini örganiş asosida davlat aktivlarini boşqariş, xususiylaştiriş, davlat iştirokidagi korxonalarni moliyaviy soğlomlaştiriş, bankrotlik, baholaş va rieltorlik faoliyatini takomillaştirişni taşkil etiş;

4) davlat uluşi mavjud xöjalik jamiyatlari, vazirlik va idoralardan markaziy apparatda körib çiqiladigan, tahlil qiliş va işlaş uçun zarur bölgan materiallar va ma'lumotlarni, şuningdek, normativ-huquqiy hujjatlar loyihalarini va boşqa hujjatlarni söraş va oliş;

5) Agentlik vakolatiga kiritilgan masalalar yuzasidan qonun hujjatlarini takomillaştiriş;

6) mahalliy va xorijiy malakali mutaxassislarni xodimlar va maslahatçilar sifatida jalb qiliş, Agentlikka yuklangan vazifalarni bajariş maqsadida ekspert va işçi guruhlarni taşkil qiliş;

7) hududiy boşqarmalar va idoraviy mansub tuzilmalarni kadrlar bilan ta'minlanişini muvofiqlaştiriş;

Agentlik markaziy apparati qonun hujjatlariga muvofiq boşqa vazifalarni ham amalga oşirişi mumkin.

Agentlikka Özbekiston Respublikasi boş vazirining taqdimnomasiga asosan Özbekiston Respublikasi prezidenti tomonidan lavozimga tayinlanadigan va lavozimdan ozod qilinadigan direktor boşçilik qiladi.

Agentlik direktori öz maqomiga köra Özbekiston Respublikasi Vazirlar Mahkamasi a'zosi hisoblanadi.

Agentlik direktorining birinçi örinbosari va örinbosari Özbekiston Respublikasi boş vazirining taqdimnomasiga asosan Özbekiston Respublikasi prezidenti tomonidan lavozimga tayinlanadi va lavozimidan ozod etiladi.

Direktor, uning birinçi örinbosari va örinbosari maqomi, tibbiy va transport xizmat körsatiş şaroitlari böyiça tegişli ravişda vazir, vazirning birinçi örinbosari va vazir örinbosariga tenglaştiriladi.

Agentlik Özbekiston Respublikasi prezidenti va Özbekiston Respublikasi Vazirlar Mahkamasiga har yili hisobot yilidan keyingi yilning 1 oktyabridan keçiktirmay Agentlik faoliyati, şu jumladan xöjalik jamiyatlari faoliyatida strategik özgarişlar natijalari töğrisida hisobot taqdim etadi.

Özbekiston Respublikasi prezidenti Administratsiyasining tegişli xizmatlari rahbarlari hamda Özbekiston Respublikasi boş vaziri Agentlik rahbarlariga yuklangan vazifalar samarali bajarilişi böyiça ular faoliyati ustidan muntazam monitoring olib boradi, Agentlik faoliyati samaradorligiga xolisona baho beradi.

Monitoring va baholaş yakunlari böyiça Agentlikning alohida örnak körsatgan rahbarlari, mansabdor şaxslari va xodimlari rağbatlantiriladi yoxud yöl qöyilgan jiddiy kamçiliklar uçun egallab turgan lavozimidan ozod etişgaça bölgan javobgarlikka tortiladi.