Mahmud Abbos AQShning Venesuela ichki ishlariga aralashishiga qarshi chiqdi

Foto: RIA Novosti

Falastin prezidenti Mahmud Abbos AQShning Venesuela ichki ishlariga aralashishiga qarshi ekanligini bildirdi.

"Biz AQShning sayyoramizdagi har qanday davlatning ishlariga aralashishiga qarshi chiqamiz, hozirda bu Venesuela bilan yuz bermoqda", - dedi Mahmud Abbos Addis-Abebadagi Afrika ittifoqi sammitida chiqish qilib.

23 yanvar kuni Venesueladagi muxolifatchilar yetakchisi Xuan Guaydo o‘zini vaqtinchalik prezident sifatida e'lon qilgandi. Uni darhol AQSh, Kanada, Lotin Amerikasining aksar davlatlari hamda Yevropa Ittifoqi vakillari yangi prezident sifatida tan olishdi.

AQSh prezidenti Donald Tramp esa Venesuela bilan munosabatlarda harbiy ssenariy ham bo‘lishi mumkinligini istisno etmadi.

Tayyorlagan Дилшод Аскаров

#Venesuela #Falastin

Venesuela prezident Nikolas Maduroga qarshi ommaviy norozilik namoyishlari girdobida qoldi. 23 yanvar kuni, ushbu namoyishlar avjiga chiqqan vaqtda Venesuela parlamenti rahbari Xuan Guaydo o‘zini mamlakatning muvaqqat prezidenti deb e’lon qildi