Texasda elektr energiyasi uchun to‘lovni kriptovalutada to‘lash mumkin bo‘ldi

Foto: AFP

AQShning Texas shtati aholisi endilikda foydalanilgan elektr uchun to‘lovni kriptovalutada amalga oshirishi mumkin. Bu haqda GridPlus Energy energetika kompaniyasi vakillari ma'lum qildi.

Ayni paytda mijozlar to‘lovlarni Ethereum va Dai tizimlari orqali to‘lashlari mumkin, keyinroq bitkoynda ham to‘lash imkoni yaratiladi.

Raqamli pullardan foydalanish sohasi muntazam ravishda kengayib bormoqda — avvalroq Argentina jamoat transportida raqamli pullar bilan yo‘l haqi to‘lash joriy etilgandi. Foydalanuvchilar milliy SUBE kartasini bitkoyn bilan to‘ldirishlari mumkin.