AEXA inspektorlari KXDR yadro obektlarini tekshiradi

Shimoliy Koreya o‘z yadroviy obektlari Atom energiyasi bo‘yicha xalqaro agentlik (AEXA) inspektorlari tomonidan tekshirilishiga rozi bo‘ldi. Bu haqda The Korea Times xabar qilmoqda.

Nashr ma'lumotlariga ko‘ra, mutaxassislarga KXDR yadro va raketa sinov maydonchalariga kirishga ruxsat beriladi, bu yadrosizlanish jarayonini nazorat qilish uchun kerak.

Ta'kidlanishicha, tekshiruvlarning muddati va o‘tkazilish joyi AQSh hamda Shimoliy Koreya o‘rtasidagi muzokaralarda kelishib olinadi.

Shu bilan birga, KXDR AEXA inspektorlari xavfsizligini kafolatlashga va'da bergan.

Eslatib o‘tamiz, avvalroq AQSh prezidenti Donald Tramp Shimoliy Koreya yetakchisi Kim Chen In bilan uchrashuv joyiga aniqlik kiritgandi.