Angliya futbol assotsiatsiyasi (FA) «Liverpul» bosh murabbiyi Yurgen Kloppni 45 ming funt miqdoridagi jarimaga tortdi.
Germaniyalik mutaxassis APL 25-turidan o‘rin olgan «Vest Hem»ga (1:1) qarshi o‘yindan keyingi so‘zlari uchun jazolandi.
Klopp bellashuvni boshqargan hakam Kevin Frend haqida gapirib: «Biz ofsayddan keyin gol urdik. Hakam buni tanaffusda bilib qolgan. Uning 2-bo‘limdagi g‘alati qarorlarini shu bilan izohlash mumkin. Bular qo‘pol xato bo‘lmasa-da, o‘yin tezligini pasaytirib yubordi», - degan edi.
FA qaroriga ko‘ra, Klopp hakamning halolligiga shubha bildiradigan izohlarni bergani uchun jazolangan.
