Англия футбол ассоциацияси (FA) «Ливерпуль» бош мураббийи Юрген Клоппни 45 минг фунт миқдоридаги жаримага тортди.
Германиялик мутахассис АПЛ 25-туридан ўрин олган «Вест Ҳэм»га (1:1) қарши ўйиндан кейинги сўзлари учун жазоланди.
Клопп беллашувни бошқарган ҳакам Кевин Френд ҳақида гапириб: «Биз офсайддан кейин гол урдик. Ҳакам буни танаффусда билиб қолган. Унинг 2-бўлимдаги ғалати қарорларини шу билан изоҳлаш мумкин. Булар қўпол хато бўлмаса-да, ўйин тезлигини пасайтириб юборди», - деган эди.
FA қарорига кўра, Клопп ҳакамнинг ҳалоллигига шубҳа билдирадиган изоҳларни бергани учун жазоланган.
