Foto: REUTERS
Turkiya prezidenti Rajab Toyyib Erdo‘g‘anning Haberturk telekanaliga intervyuda ma'lum qilishicha, shu yilning iyul oyida Rossiya S-400 zenit raketa komplekslarini Turkiyaga yetkazib berishni boshlaydi.
Erdo‘g‘anning ta'kidlashicha, Rossiyaga tegishli S-400’ni sotib olish masalasi «hal qilib bo‘lingan». Uning so‘zlariga ko‘ra, bitim yakuniga yetkazilgani to‘g‘risida AQSh prezidenti Donald Trampni ham xabardor etgan.
Bundan oldin, AQSh S-400 tufayli Turkiyaga «jiddiy oqibatlar» bilan tahdid qilgandi.
Pentagon rasmiy vakili Erik Pexonning qayd etishicha, Vashington Turkiyaning o‘z havo hujumidan mudofaa tizimini yaxshilash istagini tushunadi, ammo S-400’ni sotib olish Anqaraning AQSh va NATO bilan hamkorligiga cheklovlar qo‘yadi.
