O‘zmilliybank barcha mahalliy va xorijiy investorlarni hamkorlikka chaqiradi

“Faol investitsiyalar va ijtimoiy rivojlanish yili» Davlat dasturiga muvofiq, O‘zbekistonda xorijiy va mahalliy investorlar uchun yanada qulay shart-sharoitlar yaratish bo‘yicha qator chora-tadbirlar amalga oshirilmoqda.

Prezident Shavkat Mirziyoyevning davlat-xususiy sektori asosida investitsion loyihalarni amalga oshirishda xorijlik investorlarga hamrohlik qilish uchun Qoraqalpog‘iston Respublikasi, Toshkent shahri va har bir viloyatda Investorlarni qo‘llab-quvvatlash markazlarini ochish to‘g‘risidagi taklifi mana shunday chora-tadbirlardan biri bo‘ldi.

Davlat rahbarining ko‘rsatmasiga asosan, O‘zbekiston Respublikasi Prezidenti Administratsiyasi Markaziy Bank bilan hamkorlikda “Tijrotat banklarining 2019 yilda investitsiya faoliyatini jadallashtirishga qaratilgan «yo‘l xaritasi»ni tasdiqladi. Undagi ustuvor vazifalardan biri, moliyaviy muassasalar qoshida Investitsiya faoliyatini muvofiqlashtirish va loyihalarni boshqarish markazlarini tashkil etishdir.

Bunday tushuncha mavjud emas  “Davlat-xususiy sherikchilik” degan tushuncha mavjud.

O‘zmilliybank tomonidan «yo‘l xaritasi»da qayd etilgan vazifalarni amalga oshirish uchun Qoraqalpog‘iston Respublikasi, Toshkent shahri va respublikaning 12 viloyatida Investorlarni qo‘llab-quvvatlash markazlari ochildi. Ularning asosiy vazifasi investitsion muhitni yanada yaxshilash, biznesni tashkil etish uchun institutsional infratuzilamalarni takomillashtirish, shuningdek, tadbirkorlik sub'yektlari uchun xizmat sifatini tubdan yaxshilash hisoblanadi.

Yangi Investorlarni qo‘llab-quvvatlash markazi nimalar bilan shug‘ullanadi?

·       Birinchidan, bank va hududning investitsion imkoniyatlari haqida ma'lumotlar to‘plash hamda ulashish.

·       Ikkinchidan, investorlarga konsultatsiya berish, mahalliy hamkorlarni izlashga yordam berish, loyiha hujjatlarini ishlab chiqish, ruxsatnomalar olishda ko‘maklashish va boshqa xizmatlar.

Markazning yana bir muhim vazifalaridan biri – loyihalarni birgalikda olib borish va ularni amalga oshirishda yuzaga keladigan muammolarni tezkorlik bilan bartaraf etish.

Shuningdek, «yagona darcha» tamoyili bo‘yicha markazlarda bank mutaxassislari biznes-reja, loyihaning texnik asoslari, moliyalashtirish mexanizmlarini ishlab chiqishga, moliyalashtirish manbaalarini aniqlashga yordam berishadi.

Qayd etish joizki, Milliy bank filiallari va bo‘linmalarida 2019 yil boshidan 196 ta investitsiya loyihalari moliyalashtirilgan bo‘lib, ulardan 23 tasining xorijiy valutadagi umumiy qiymati 38,0 mln. AQSh dollaridan ortadi.

Investorlarni yanada kengroq jalb qilish, mahalliy tadbirkorlar uchun qulay shart-sharoitlarni yaratish maqsadida rasmiy www.nbu.uz veb-saytida «Invitation page» yoki «Investorlarga» sahifalari ochildi. Bu ilovalarda investitsion loyihalarni amalga oshirish bo‘yicha barcha kerakli ma'lumotlarni olish, bankning investitsion takliflari pasportlarini o‘rganish, investitsion majburiyatlar haqida bilib olish mumkin.

Joylarda markazlar ish boshlagan vaqtdan boshlab, ular tomonidan mahalliy investorlarni jalb etish bo‘yicha katta hajmdagi ishlar amalga oshirildi. Jumladan, O‘zmilliybankning Toshkent shahri, Sirdaryo va Namangandagi bo‘linmalarining Investorlarni qo‘llab-quvvatlash markazlariga chet ellik va mahalliy tadbirkorlar tomonidan 100 dan ortiq murojaat kelib tushdi.  

Markaz xodimlari tomonidan xorijiy kredit liniyalari va ularning shartlari, kredit hujjatlarini rasmiylashtirish jarayonlari, mavjud loyihalar va biznesni tashkillashtirishga bog‘liq boshqa masalalar haqida batafsil ma'lumotlar berildi.

Shu tariqa, O‘zmilliybankning Investorlarni qo‘llab-quvvatlash markazlari mahalliy va xorijlik investor hamda hamkorlar uchun eng yirik biznes-loyihalarni amalga oshirishda ishonchli yo‘lboshchiga aylanishadi.

Hozirgi vaqtda O‘zmilliybank tadbirkorlik sub'yektlariga Yevropa tiklanish va taraqqiyot banki, Baden-Vyurtemberg Landesbanki, Koreyaning Eksimbanki, Xitoy Davlat taraqqiyot banki, Turkiya Eksimbanki va boshqa xorijiy moliya institutlarining kredit liniyalarini taklif etmoqda. Ushbu mablag‘lar Yevropa Ittifoqi, Koreya Respublikasi, Turkiya, Xitoy, Rossiya va boshqa mamlakatlarda texnologik liniyalar, maxsus texnikalar va boshqa mahsulotlarni sotib olish uchun mo‘ljallangan.

O‘zmilliybank barcha mahalliy va xorijiy investorlarni hamkorlikka chaqiradi. “Sizning farovonligingiz – bizning muvaffaqiyatimiz!”

Reklama huquqi asosida