Rossiyada bo‘lish tartibini buzgan qirg‘izistonliklar uchun migratsion amnistiya muddati uzaytirildi 

Rossiyada bo‘lish tartibini buzgan qirg‘izistonliklar uchun migratsion amnistiya muddati 2019 yil aprel oyining oxirigacha uzaytirildi. Bu haqda Rossiya prezidenti Vladimir Putin Rossiya-Qirg‘iziston muzokaralari yakunida e'lon qildi.

Rossiya rahbarining eslatishicha, Qirg‘iziston prezidentining iltimosi bilan 2018 yil oktyabrida dekabriga qadar migratsion amnistiya o‘tkazildi. Unga muvofiq, Rossiyada bo‘lish tartibini buzgan minglab Qirg‘iziston fuqarolari o‘z vatanlariga borib, yana Rossiyaga hech qanday ma'muriy javobgarliksiz qaytishlari mumkin bo‘ldi.

"Qirg‘iziston tomonining iltimosi bilan amnistiya aprel oxirigacha uzaytirildi, bu mamlakatlarimiz o‘rtasidagi munosabatlarning alohida tusga ega ekanligini tasdiqlaydi", - dedi Putin.