Jahon | 20:25 / 04.04.2019
18773
1 daqiqa o‘qiladi

Moskvadagi savdo markazida hajmi 1 mln litrli akvarium darz ketdi

Foto: inblade / Instagram

Moskvadagi «Okeaniya» savdo-ko‘ngilochar markazida akvarium darz ketdi. Bu haqda hodisa guvohlari ijtimoiy tarmoqlarda ma'lum qilishdi.

Moskva favqulodda vaziyatlar boshqarmasi vakilining «RIA Novosti»ga ma'lum qilishicha, akvariumda «sezilar-sezilmas yoriq paydo bo‘lgan, suv oyna bo‘ylab sizib chiqmoqda».  

«Okeaniya»dagi akvarium balandligi 24 metr bo‘lgan ikkita shaffof akril silindrdan tashkil topgan bo‘lib, unga 1 mln litr dengiz suvi sig‘adi. 

Ma'lumot berilishicha, u ichida ekskursion lifti bo‘lgan dunyodagi eng baland silindrsimon akvarium bo‘lib, Amerikaning ICM kompaniyasi tomonidan qurilgan.

Дилшод Аскаров
Tayyorlagan Дилшод Аскаров
Kun.uz yangiliklarini Google News'da kuzating
+ Obuna bo'lish

Mavzuga oid