Afg‘onistonda 4 nafar amerikalik harbiy halok bo‘ldi 

Afg‘onistonda qo‘lbola bombaning portlashi vaqtida 3 nafar amerikalik harbiy va NATO harbiy koalitsiyasining bir nafar harbiysi halok bo‘ldi. Yana 3 nafar amerikalik harbiy jarohat olgan. Bu haqda NATOning rasmiy saytida ma'lum qilingan. 

Voqea Kobul yaqinidagi Bagram aviabazasi yonida sodir bo‘lgan. Yaradorlar evakuatsiya qilingan.

AQSh qurolli kuchlarining Afg‘onistondagi vakili general-mayor Devid Batler bomba xavfsizlik konvoyi yonida portlaganini ma'lum qilgan. Aviabazaga hujum uchun javobgarlikni “Tolibon” harakati o‘z zimmasiga olgan.

AQSh va NATOning oxirgi ma'lumotlariga ko‘ra, 2019 yilda Afg‘onistonda 7 nafar amerikalik harbiy, 2015 yildan beri umumiy hisobda 68 harbiy halok bo‘lgan.