Қўшимча функционаллар
-
Тунги кўриниш
Жаҳон | 10:06 / 09.04.2019
10264
1 дақиқада ўқилади
Афғонистонда 4 нафар америкалик ҳарбий ҳалок бўлди
Фото: TASS/Imago/Rahmat Alizadah
Афғонистонда қўлбола бомбанинг портлаши вақтида 3 нафар америкалик ҳарбий ва НАТО ҳарбий коалициясининг бир нафар ҳарбийси ҳалок бўлди. Яна 3 нафар америкалик ҳарбий жароҳат олган. Бу ҳақда НАТОнинг расмий сайтида маълум қилинган.
Воқеа Кобул яқинидаги Баграм авиабазаси ёнида содир бўлган. Ярадорлар эвакуация қилинган.
АҚШ қуролли кучларининг Афғонистондаги вакили генерал-майор Дэвид Батлер бомба хавфсизлик конвойи ёнида портлаганини маълум қилган. Авиабазага ҳужум учун жавобгарликни “Толибон” ҳаракати ўз зиммасига олган.
АҚШ ва НАТОнинг охирги маълумотларига кўра, 2019 йилда Афғонистонда 7 нафар америкалик ҳарбий, 2015 йилдан бери умумий ҳисобда 68 ҳарбий ҳалок бўлган.
