Arxivlar bo‘yicha xizmat ko‘rsatish tizimini tubdan takomillashtirish taklif etildi

“Mening fikrim” jamoaviy murojaatlar portalida arxiv hujjatlari bo‘yicha xizmat ko‘rsatish tizimini tubdan takomillashtirish haqida petitsiya e'lon qilindi.

Bildirilishicha, bugungi kunda arxiv hujjatlari bilan ishlashda tizimli muammolar mavjud. Xususan, yo‘qolgan hujjatlarni qayta tiklash, nafaqaga chiqishda talab qilingan hujjatlarni yig‘ish, ta'lim muassasalarida o‘qiganlik bo‘yicha hujjatlarni tiklash (diplom, diplomga ilova va shahodatnomalarni dublikat qilish) uchun ko‘p vaqt talab etiladi. 

“Masalan, Xorazm viloyatidan diplom dublikatini olish uchun Toshkentga 2 marta kelib ketish anchagina xarajatlarga sabab bo‘lishi hammaga birdek ayon”, - deb yozadi murojaat muallifi.

Yuqoridagi kabi ovoragarchiliklarning oldini olish maqsadida ta'lim muassasalari arxivi tomonidan pochta xizmati orqali diplom dublikatlari va boshqa turdagi hujjatlarni yetkazish uchun pulli xizmatlar ko‘rsatilishiga ruxsat berilish bo‘yicha taklif bildirilgan.

Qayd etilishicha, buning uchun mazkur masala atroflicha o‘rganilib, tegishli normativ-huquqiy hujjatlar qabul qilinishi lozim.