18:31 / 13.04.2019
10070

Reuters: Pokistondagi portlash uchun javobgarlikni IShID o‘z zimmasiga oldi

Foto: Naseer Ahmed / Reuters

Pokistondagi bozorda 20 kishi qurbon bo‘lishiga olib kelgan portlash uchun javobgarlikni IShID terrorchilik guruhi o‘z zimmasiga oldi. Bu haqda Reuters agentligi xabar berdi.

13 aprel kuni Belujiston viloyatining Kvetta shahridagi bozorda portlash sodir bo‘ldi. Portlash oqibatida kamida 20 kishi halok bo‘lgan, 48 kishi jarohatlangan.

Pokiston rahbariyati va mamlakatdagi yetakchi siyosiy kuchlar mazkur voqeani keskin qoralab bayonot berdi. 

Mamlakat bosh vaziri Imron Xon hodisa yuzasidan olib borilgan tergov natijalarini taqdim etish hamda jabrlanganlarga sifatli tibbiy xizmat ko‘rsatishga buyruq berdi.

Top