O‘zbekiston delegatsiyasi Ruminiyadagi Markaziy Osiyo bo‘yicha konferensiyada qatnashadi

O‘zbekiston tashqi ishlar vaziri o‘rinbosari Dilshod Axatov boshchiligidagi delegatsiya Markaziy Osiyo bo‘yicha “Barqaror taraqqiyot uchun mushtaraklik” mavzuidagi yuqori darajali konferensiyada ishtirok etish uchun Ruminiyaga amaliy tashrif bilan boradi. Bu haqda O‘zbekiston TIV matbuot xizmati xabar berdi.

Ma'lum qilinishicha, konferensiya 15-16-aprel kunlari bo‘lib o‘tadi.

Buxarest shahrida O‘zbekiston delegatsiyasi Ruminiya tashqi ishlar vazirligi davlat kotibi Danut Nekulayesku, kichik va o‘rta tadbirkorlik, savdo va ishbilarmonlik muhiti vazirligi davlat kotibi Gabriyela Vosilya hamda konferensiyada ishtirok etuvchi boshqa delegatsiya rahbarlari bilan uchrashuv va muzokaralar o‘tkazadi.