Erdo‘g‘an Trampga S-400 bo‘yicha kelishmovchilikni hal qilish uchun ishchi guruh tuzishni taklif qildi

Turkiya prezidenti Rajab Tayyip Erdo‘g‘an va AQSh prezidenti Donald Tramp telefon orqali muloqot o‘tkazdi. Muloqot davomida Turkiya yetakchisi Oq uy rahbariga Rossiyaning S-400 zenit raketa majmualari bo‘yicha kelishmovchilikni hal qilish uchun qo‘shma ishchi guruh tuzishni taklif qildi. Bu haqda Turkiya prezidentining devonxonasi tarqatgan bayonotda aytiladi.

Oq uyning xabar berishicha, "ikki davlat rahbarlari qator ikki tomonlama masalalar, jumladan, tovar almashish hajmini oshirish, Suriya shimolida xavfsizlikni ta'minlash borasidagi muzokaralarning borishi hamda Turkiya tomonidan S-400 zenit raketa tizimlarini sotib olish rejasini muhokama qildi".

Avvalroq AQSh davlat kotibi Maykl Pompeo Anqara Rossiyaning S-400 zenit raketa tizimini sotib olganidan so‘ng F-35 samolyotlarini sotib ololmasligi haqida Turkiyani ogohlantirgandi.