Maishiy texnikalarni o‘g‘irlab ketgan ayol qo‘lga olindi

Shu yil 5 may kuni noma'lum shaxs Toshkent shahrining Shayxontohur tumanida yashovchi 49 yoshli U.I.ning Mirobod tumani Chimkent ko‘chasidagi xonadoniga kalit tanlash yo‘li bilan kirgan.

O‘zbekiston Respublikasi IIV Jamoatchilik va OAV bilan aloqalar boshqarmasi xabariga ko‘ra, bu shaxs u yerdan bir qator maishiy texnika buyumlarini o‘g‘irlab ketgani yuzasidan jinoyat ishi qo‘zg‘atilgan.

Ko‘rilgan choralar natijasida ushbu jinoyatni Namangan viloyati Chortoq tumani Gulshan qishlog‘ida yashovchi 23 yoshli M.O. ismli ayol sodir etganligi aniqlanib, ushlangan. 

Tergov harakatlari davom etmoqda.