Mirobodda Kia va Tracker-2 to‘qnashdi, 3 nafar yo‘lovchiga tibbiy yordam ko‘rsatildi

Joriy yilning 12 yanvar kuni soat 23:10 larda Mirobod tumani Taras Shevchenko–Nukus ko‘chalari chorrahasida yo‘l-transport hodisasi sodir bo‘lgan.

Ma’lum qilinishicha, 2002 yilda tug‘ilgan I.S. boshqaruvidagi Kia rusumli avtomashina hamda 2005 yilda tug‘ilgan A.T. boshqaruvidagi Tracker-2 rusumli avtomashina to‘qnashgan.

YTH natijasida Tracker-2 rusumli avtomashinaning 1 nafar yo‘lovchisi va Kia rusumli avtomashinaning 2 nafar yo‘lovchisiga shifokorlar tomonidan birinchi tibbiy yordam ko‘rsatilgan.

Mazkur holat yuzasidan Toshkent shahar IIBB YHXB tomonidan surishtiruv harakatlari olib borilmoqda.

Toshkent shahar IIBB YHXB axborot xizmati barcha yo‘l harakati qatnashchilarini yo‘l harakati qoidalariga qat’iy rioya qilishga chaqirdi.