Pentagon Huawei Xitoy hukumati bilan yaqin aloqada ekanligini bildirdi

AQSh mudofaa vaziri vazifasini bajaruvchi Patrik Shanaxan Huawei korporatsiyasi Xitoy hukumati bilan yaqin aloqada ekanligini bildirdi. U bu fikrni Osiyo-Tinch okeani hududida xavfsizlik masalalari bo‘yicha Singapurda bo‘lib o‘tayotgan xalqaro anjumanda aytdi.

"Huawei hukumat bilan juda ham aloqador", - dedi u.

Bundan tashqari, uning ta'kidlashicha, "Xitoyda biznesning harbiy soha bilan integratsiyalashuvi chuqur ildiz otgan".  Uning so‘zlariga ko‘ra, Vashington  "iqtisodiy xavfsizlikni milliy xavfsizlikning ajralmas qismi deb biladi".

Pekin Oq uy ma'muriyatining bu qadamini "Amerika fuqarolarini chalg‘itish va mafkuraviy qarama-qarshilik keltirib chiqarishga urinish" deb baholamoqda.