Zelenskiy Ukraina referendum o‘tkazilganidan keyin NATOga kirishiga va'da berdi

Foto: RIA Novosti / Stringer

Ukraina albatta Shimoliy Atlantika alyansiga kiradi, faqat ushbu masala referendumga qo‘yilishi lozim, dedi Ukraina prezidenti Vladimir Zelenskiy.

"NATOga yo‘l birinchi navbatda mamlakat xavfsizligi va armiyamiz darajasidir. Biz ukrainaliklarga NATO nima ekanligi, uning qo‘rqinchli emasligini aytishimiz lozim. Ukrainaliklar barchasiga tayyor bo‘lishganida biz bu masalani referendumga qo‘yamiz va Ukraina albatta NATOga kiradi", - dedi Zelenskiy.

Avvalroq Zelenskiy Ukrainaning NATOga kirishi masalasida referendum o‘tkazmoqchi ekanligini bildirgandi.

Ekspertlarning fikricha, Kiyev yaqin 20 yil ichida NATO a'zoligiga da'vogarlik qila olmaydi.