18:35 / 07.06.2019
4822
Нью-Йоркда Таймс-скверни портлатмоқчи бўлган шахс қўлга олинди
Фото: Christina Horsten/dpa/Global Look Press

АҚШ ҳуқуқ-тартибот органлари ходимлари Нью-Йорк марказида портлашлар уюштиришни режалаштирган шахсни қўлга олди, деб хабар берди ABC телекомпанияси.

Телекомпания манбаларининг маълумот беришича, у Нью-Йоркнинг бош майдони – Таймс-скверни портлатиш учун "бир нечта граната сотиб олишга қизиқиш билдирган". Дастлабки маълумотларга кўра, у бирор-бир террорчи ёки жиноий гуруҳга алоқадор эмас.

Унга Бруклин райони судида айблов эълон қилиниши кутилмоқда.

2018 йил декабрда Канада фуқароси Абдулраҳмон Ал Бахназавий 40 йилга озодликдан маҳрум этилганди. У 2016 йилда Таймс-сквер ва Нью-Йорк метросида портловчи қурилмаларни ҳаракатга келтиришга уринган.  

Top