Andijondagi 4ta qo‘shni uyda yong‘in sodir bo‘ldi, voqea joyiga 8ta yong‘in o‘chirish bo‘linmasi chiqqan

2019 yilning 1 iyul kuni 15:57da Andijon shahri Yong‘in xavfsizligi bo‘limi dispetcherlik xizmatiga “Sho‘rbuloq” MFYda joylashgan 4ta uyda yong‘in sodir bo‘layotgani haqida xabar kelib tushgan.

O‘zbekiston Respublikasi FVV YoXBB OAV bilan hamkorlik qilish bo‘linmasi xabariga ko‘ra, voqea joyiga yetib borgan 8 ta yong‘in o‘chirish bo‘linmalarining tezkor harakatlari natijasida yong‘in bartaraf etilgan hamda yong‘inda fuqarolarni tan jarohati olishlariga va halok bo‘lishlariga yo‘l qo‘yilmagan.

Yong‘in oqibatida O‘zbekiston ko‘chasidagi 6-uyning 170 kv.metr maydonda tomi, shifti va uy jihozlari hamda ushbu ko‘chada joylashgan 5-uyning 10 kv.metr, 7-uyning 10 kv.metr va 4-uyning 15 kv.metr maydonda tom qismi yonib zararlangan. 

Hodisaning kelib chiqish sababi va moddiy zarar miqdori aniqlanmoqda.