Foto: AP Photo/Fars News Agency, Omid Vahabzadeh, arxiv
Eron harbiylari o‘rta masofaga uchuvchi ballistik raketa sinovini o‘tkazdi. Bu haqda FoxNews telekanali Amerika hukumatidagi manbalariga asoslanib xabar bermoqda.
Telekanalga ko‘ra, sinov uchirilishi 25 iyulga o‘tar kechasi amalga oshirilgan.
Taxmin qilinishicha, eronlik harbiylar «Shaxab-3» raketasini uchirgan bo‘lishi mumkin. U 965 km parvoz qilgach, Tehrondan uncha uzoq bo‘lmagan sahroga qulagan.
Bundan avvval, AQSh davlat kotibi Mayk Pompeo zarur bo‘lsa va sharoit taqozo qilsa, Tehronga borib, ushbu mamlakatning raketa dasturi bo‘yicha muzokara o‘tkazishga tayyorligini bildirgan edi.
