O‘zbekiston-Turkmaniston davlat chegarasi demarkatsiyasi bo‘yicha muzokaralar bo‘lib o‘tdi

22-28-iyul kunlari Buxoro shahrida O‘zbekiston va Turkmaniston o‘rtasidagi davlat chegarasini delimitatsiya va demarkatsiya qilish masalalari bo‘yicha O‘zbekiston-Turkmaniston hukumatlararo qo‘shma komissiyasi ishchi guruhlarining navbatdagi uchrashuvi bo‘lib o‘tdi. Bu haqda O‘zbekiston TIV matbuot xizmati xabar berdi.

Tadbirda davlat chegarasining ayrim uchastkalarida demarkatsiya chizig‘ini o‘tkazish bo‘yicha takliflar ko‘rib chiqildi hamda keyingi uchrashuvlarda mazkur masala bo‘yicha qaror variantlarini taqdim etishga kelishildi, deyiladi xabarda.

Uchrashuv so‘ngida delegatsiyalar rahbarlari To‘lqin Abdullayev va Mamed Mamedov yakuniy bayonnomani imzoladilar.