O‘zbekistonda jahon standartlariga javob beruvchi bolalar onkogemotologiya markazini barpo etish taklif qilindi

“Mening fikrim” jamoaviy murojaatlar portalida jahon standartlariga javob beruvchi bolalar onkogemotologiya markazini barpo etish haqida petitsiya joylashtirildi.

Qayd etilishicha, bugungi kunda bolalar o‘rtasida turli kasalliklar, xususan, oqqon kasalligi ham tobora ortib bormoqda. Bu esa bolalarni katta xavfdan asrash uchun ko‘rilayotgan chora-tadbirlarni jadallashtirish zarurligini anglatadi. 

“Mamlakatimizda Bolalar onkogemotologiya markazining qurilishi – O‘zbekistonning o‘z farzandlari taqdiriga befarq emasligini ko‘rsatibgina qolmay, bolalar kasalliklarini oldini olish borasidagi amaliy ishlarni yanada jadallashtirishga munosib hissa qo‘shadi”, - deyiladi murojaatda.

Yuqoridagilarni inobatga olgan holda, jahon standartlariga javob beruvchi bolalar onkogemotologiya kompleks markazini barpo etish taklif qilinmoqda.