Turkiya Moskvada chiqindidan energiya ishlab chiqaruvchi zavod quradi

Turkiyaning Yenigün qurilish kompaniyasi Moskvada chiqindidan energiya ishlab chiqaruvchi zavod quradi, deb xabar berdi Anadolu agentligi.

2 avgust kuni Yenigün va Rossiyaning AGC-1 kompaniyalari o‘rtasida bu boradagi tegishli shartnoma imzolangan.

Loyihaning birinchi bosqichi 2022 yilda yakunlanadi.

Yenigün kompaniyasining ijrochi direktori Fikret Yyenigyun Rossiyada chiqindini yo‘q qiluvchi zavodlarda chiqindi yoqish orqali energiya ishlab chiqarishga qiziqish o‘sayotganini bildirdi.

Uning so‘zlariga ko‘ra, qattiq maishiy chiqindilarni termik yo‘q qilish bo‘yicha generatsiya obektlari loyihalarini amalga oshirish ekologik nuqtai nazardan muhim hisoblanadi.