AQSh Kaluga ilmiy-tadqiqot radiotexnika institutini qora ro‘yxatga kiritdi

AQSh savdo vazirligi Kaluga ilmiy-tadqiqot radiotexnika institutini qora ro‘yxatga kiritdi. Bu haqda federal reyestr saytida ma'lum qilindi.

Vashingtonning nuqtai nazariga ko‘ra, institut Qo‘shma Shtatlar milliy xavfsizligi manfaatlariga zid faoliyat ko‘rsatmoqda.

Endilikda tashkilotga nisbatan Amerika mahsuloti eksportiga rad etish prezumpsiyasi qo‘llaniladi. Cheklov 14 avgustdan kuchga kiradi.

Mazkur qora ro‘yxatga Kaluga ilmiy-tadqiqot radiotexnika instituti bilan birga shuningdek, Armaniston, Belgiya, Buyuk Britaniya, Gruziya, Kanada, Xitoy va Hongkong, Malayziya, Niderlandiya va BAAdan jami 17 tashkilot kiritildi.