Google kompaniyasi YouTube videoplatformasida bolalarga oid ma'lumotlar to‘g‘risidagi qonunni buzgani uchun 200 million dollar jarima to‘lashga rozi bo‘ldi. Bu haqda The Wall Street Journal xabar berdi.
O‘tgan yili shaxsiy ma'lumotlarni himoya qilish bo‘yicha guruhlar koalitsiyasi Federal savdo komissiyasiga YouTube voyaga yetmaganlarga oid ma'lumotlarni ularning ota-onalari roziligisiz to‘plagani va bu ma'lumotlardan manzilli reklamada foydalangani ustidan shikoyat qilgandi.
Nashrning eslatishicha, Google 2012 yilda ham xuddi shu qonunbuzarlik uchun jarima to‘lagan, ammo o‘shanda jarima miqdori hozirgidan o‘n barobar kam bo‘lgan.
Amerika qonunchiligiga ko‘ra, 13 yoshdan kichik bolalar to‘g‘risidagi ma'lumotlarni faqatgina ularning ota-onalari roziligi bilan yig‘ish mumkin.
