Qozog‘istonda farzandining hayotini saqlashga uringan ota vafot etdi 

Qizilo‘rdada 4 yoshli farzandi bilan bo‘lgan ota yo‘l-transport hodisasiga uchradi, deb xabar qilmoqda Sputnik Qozog‘iston mintaqaviy politsiya departamentiga asoslangan holda. 

Hodisa 2019 yil 17 oktyabrda shaharning Abay va Oltinsarin ko‘chalari chorrahasida ro‘y bergan. 

Politsiya ma'lumotlariga ko‘ra, jamoat transporti haydovchisi yo‘lning qatnov qismining piyodalar o‘tish yo‘lagi bo‘lmagan qismiga yugurib chiqib qolgan 4 yashar o‘g‘il va uning 30 yoshli otasini urib yuborgan. 

«Olingan jarohatlar oqibatida bolaning otasi hayotdan ko‘z yumgan, bola viloyat bolalar shifoxonasining jonlantirish bo‘limiga yotqizilgan. Haydovchi voqea joyida bo‘lgan. Ekspertiza tayinlangan», - deyiladi xabarda.  

Internet tarmog‘ida ayni voqea aks etgan videolavha paydo bo‘lgan. Avtobusda o‘rnatilgan videokuzatuv kamerasi olgan tasvirlarga ko‘ra, bolakay kutilmaganda yo‘lga yugurib chiqqan. Erkak uning ortidan otilgan va farzandini zarbadan himoya qilgan.