03:00 / 10.11.2019
1
8136
Хитой 6G тармоғини яратиш ишларига киришди
Фото: Twitter/PDChina

Сентябрь охирида China Mobile мобиль операторининг саноат ва ҳамкорлик тадқиқот институти бўлими бошлиғи Ян Гуан хитойлик мутахассислар 6G технологияси бўйича тадқиқотлар ўтказишни бошлаганини хабар қилганди.

Хитой олтинчи авлод тармоғини яратиш соҳасидаги тадқиқотлар ва ишланмалар бўйича расман иш бошлади. Ушбу мақсадда экспертлар ва тегишли муассасалар вакилларидан иборат иккита махсус гуруҳ тузилди. Бу ҳақда ХХР фан ва техника вазирлиги хабар берди.

Хитойда 1 ноябрдан бешинчи авлод тармоғидан тижорий фойдаланиш бошланди. China Telecom, China Unicom ва China Mobile алоқа операторлари ҳамда Хитой Медиакорпорацияси 5G тармоғидан тижорий фойдаланиш учун лицензия олган.

Хитой фан ва техника вазирлиги таълим, саноат ва ахборотлаштириш вазирликлари, ислоҳотлар ва ривожланиш қўмитаси ҳамда Хитой фанлар академияси билан 6G технологияларини яратиш ишлари билан боғлиқ масалаларни муҳокама қилди.

Хабар қилинишича, учрашув давомида 6G соҳасида тадқиқотлар ўтказиш ва ишланмалар ишлаб чиқариш бўйича экспертлардан иборат ишчи гуруҳлари тузилган.
Сентябрь охирида China Mobile мобиль операторининг саноат ва ҳамкорлик тадқиқот институти бўлими бошлиғи Ян Гуан хитойлик мутахассислар 6G технологияси бўйича тадқиқотлар ўтказишни бошлаганини хабар қилганди.

Ушбу хабарга фикрингизни билдиринг. Бунинг учун авторизациядан ўтишингиз керак!
Top