Chinozda yo‘lni kesib o‘tayotgan piyoda “Damas” urib yuborishi oqibatida halok bo‘ldi

19 dekabr kuni Toshkent viloyati Chinoz tumani hududidan o‘tgan M-39 “Toshkent-Termiz” avtomobil yo‘lining 862-km.da haydovchi M.S. “DAMAS” rusumli avtomobilini “Toshkent-Chinoz” yo‘nalishida boshqarayotib yo‘l-transport hodisasini sodir etgan. Bu haqda O‘zbekiston Respublikasi IIV YHXBB Axborot xizmati xabar berdi.

Xabarda aytilishicha, u yo‘lni belgilanmagan joyidan kesib o‘tayotgan piyoda K.M.ni urib yuborgan. Natijada K.M. hodisa joyida halok bo‘lgan.

Shuningdek, 19 dekabr kuni Toshkent shahar Shayxontohur tumani Yangi Beltepa ko‘chasida haydovchi M.A. “Spark” rusumli avtomobilini boshqarayotib, yo‘lni yugurib kesib o‘tayotgan piyoda M.Z.ni urib yuborgan. Natijada M.Z. voqea joyida halok bo‘lgan.

IIV YHXBB haydovchi va piyodalarni hushyorlikka chaqirmoqda.