Foto: © Twitter / Iryna Vozniuk
Belarus prezidenti Aleksandr Lukashenko kichik o‘g‘li Nikolay unga Rossiya prezidenti Vladimir Putinni o‘rnak qilib ko‘rsatishi to‘g‘risida gapirdi.
— U tez-tez: "Ana ko‘ryapsizmi, prezident qanday ish tutishi kerak" deydi, — dedi Lukashenko "Exo Moskvi" radiostansiyasiga bergan intervyusida.
Uning so‘zlariga ko‘ra, 15 yoshli Nikolay Putin bilan "ikki yoshligidan beri" tanish. Hatto bir marta u hokkey o‘yinida otasining emas, Putinning jamoasida o‘ynashni xohlagan.
Lukashenko o‘g‘lini oiladagi asosiy muxolifatchi deb atadi va Nikolay o‘zini tengdoshlaridan yuqori tutmasligini aytdi.
— Farzandlarim judayam intizomli va ehtiyotkor, farzandlarim bebosh emasligi mening baxtim. Bunga jiddiy e'tibor qarataman, — dedi Belarus prezidenti.
