21:27 / 01.01.2020
0
5984
Намойишчилар АҚШнинг Бағдоддаги элчихонаси жойлашган ҳудудни тарк этишди
Фото: REUTERS / Thaier al-Sudani

АҚШнинг Бағдоддаги элчихонасини қамал қилган намойишчилар дипломатик миссия жойлашган ҳудудни тарк этишди, деб хабар берди Alsumaria телеканали.

Аввалроқ "Ал-Хашд аш-Шааби" қуролли гуруҳи қўмондонлиги ўз тарафдорларини элчихона жойлашган ҳудудни тарк этишга чақирганди.

Телеканалнинг маълумот беришича, Ироқ ички ишлар вазири Ёсин Ал-Ёсирий намойишчиларнинг элчихона атрофини тарк этаётганига ишонч ҳосил қилиш учун у ерга келган.

31 декабрда Ироқда намойишчилар АҚШнинг Бағдоддаги элчихонасига бостириб киришганди. Вашингтон ушбу ҳужумда Эронни айблаган, бироқ Теҳрон буни рад этмоқда. Ҳужумдан кейин Ироқдаги элчихонани қўриқловчи ҳарбийларга кўмак сифатида Кувайтдан 100 аскар ташланган.   

АҚШ элчихонаси олдидаги норозилик намойишлари “Каттаиб Ҳизбуллоҳ” шиа гуруҳининг АҚШнинг учувчисиз парвоз қурилмалари зарбалари вақтида ҳалок бўлган аъзолари дафн этилгандан кейин бошланган.

Ушбу хабарга фикрингизни билдиринг. Бунинг учун авторизациядан ўтишингиз керак!
Top