01:11 / 11.01.2020
0
23020
Трамп Эрон АҚШнинг тўртта элчихонасига ҳужум қилишни режалаштирганини айтди
Фото: AP

АҚШ президенти Дональд Трампнинг таъкидлашича, АҚШ генерал Қосим Сулаймонийни йўқ қилиш операциясини ўтказаётган вақтда Эрон Американинг тўртта элчихонасига ҳужум қилишни режалаштирган.

"Очиқлашим мумкин, менимча, тўртта элчихонага ҳужум қилиш режалаштирилганди", деди Трамп Fox News телеканалига берган интервьюсида.

Қайси элчихоналар тўғрисидаги саволга Трамп: "Бу Бағдоддаги элчихона бўлиши мумкин эди", деб жавоб қайтарди. У бошқа элчихоналар тўғрисида сўз юритмади.

АҚШ Сулаймоний Америкага қарши ҳужумлар режалаштиргани учун унга қарши операция ўтказганини маълум қилганди. Сулаймонийнинг ўлимидан сўнг Эрон АҚШнинг Ироқдаги базаларига ракета зарбалари берди. Хабар қилинишича, зарбалар натижасида ҳеч ким жабр кўрмаган.

Мавзу
Қосим Сулаймонийнинг ўлдирилиши
Эрон ташқи сиёсати бунёдкори, Яқин Шарқ бўйича бош стратеги, Эрон Ислом инқилоби муҳофазаси корпуси таркибидаги «Кудс» махсус бўлинмаси қўмондони Қосим Сулаймоний Бағдоддаги аэропортда АҚШ президенти Дональд Трамп фармойишига биноан ўлдирилди.
Барчаси
Ушбу хабарга фикрингизни билдиринг. Бунинг учун авторизациядан ўтишингиз керак!
Top