15:54 / 06.02.2020
1
7882
Хитой АҚШ маҳсулотларига нисбатан киритилган божларни пасайтиришга қарор қилди

14 февралдан АҚШ маҳсулотларига киритилган 10 фоизлик божлар 5 фоизга, 5 фоизлик божлар 2,5 фоизгача пасайтирилади.

Фото: EPA

Хитой давлат кенгашининг солиқ-тариф сиёсати бўйича қўмитаси АҚШнинг умумий қиймати 75 млрд долларлик маҳсулотларига нисбатан бож тўловларини пасайтиришга қарор қилди.  

14 февралдан АҚШ маҳсулотларига киритилган 10 фоизлик божлар 5 фоизга, 5 фоизлик божлар 2,5 фоизгача пасайтирилади.

Қарор "Хитой-Америка иқтисодий ва савдо муносабатларининг соғлом ва барқарор ривожланишига" ёрдам бериш мақсадида қабул қилинди, дея қўмита баёнотидан иқтибос келтирмоқда "Синьхуа" агентлиги.

15 январда АҚШ президенти Дональд Трамп ва Хитой давлат кенгаши бош вазири ўринбосари икки давлат ўртасидаги савдо низосини ҳал қилишнинг биринчи босқичи бўйича келишув имзолаганди. Келишувга кўра, Пекин икки йил давомида АҚШдан маҳсулот сотиб олиш ҳажмини камида 200 млрд долларга оширади, Вашингтон эса Хитой маҳсулотларига нисбатан қўшимча чекловлар жорий этмайди.

Ушбу хабарга фикрингизни билдиринг. Бунинг учун авторизациядан ўтишингиз керак!
Top