Xitoyning Rossiya bilan chegarasidagi shahri karantinga yopildi

Shahar Xeylunszyan provinsiyasida joylashgan. Provinsiyada koronavirusga chalinganlar soni bir kunda 25 nafargacha oshgan. Hukumatning fikricha, bu holat Rossiyadan kasallanganlar kelayotgani sababli yuz bermoqda.

Bu haqda Reuters axborot agentligi xabar berdi. 

Shahar aholisiga o‘z uylarida qolish buyurilgan: bir oiladan bir kishi birinchi ehtiyojdagi buyumlar xarid qilgani kuniga 3 marta tashqariga chiqa oladi va shu kuniyoq uyga qaytishi kerak.

Suyfinxeda 60 mingdan ko‘proq mahalliy aholi va 100 mingdan ko‘proq boshqa yerdan kelganlar yashaydi. Bu shahar Xitoy va Rossiya o‘rtasida provinsiyadagi eng yirik o‘tish joyi hisoblanadi.