21:26 / 18.04.2020
10749
Чилонзордаги кафеда ёнғин содир бўлди

Ёнғин кафенинг тахминан 200 квадрат метрдан ортиқ майдонида содир бўлган. Қурбонлар ва жароҳатланганлар йўқлиги маълум қилинмоқда.

18 апрель куни соат 19:23 да Тошкент шаҳар Фавқулодда вазиятлар бошқармасига Чилонзор тумани Кичик ҳалқа йўли кўчасида жойлашган "Минг Чинор" кафесида ёнғин келиб чиққанлиги тўғрисида хабар келиб тушди.

Ёнғин жойига 8та ёнғин-қутқарув техникаси тўрт дақиқа ичида етиб борди, деб хабар бермоқда Фавқулодда вазиятлар вазирлиги матбуот хизмати.

Фото: Фавқулодда вазиятлар вазирлиги матбуот хизмати

Хабарда айтилишича, ёнғин қутқарув жанговар бўлимлари кўрган тезкор ҳаракатлар натижасида ёнғин соат 20:12 да тўлиқ бартараф этилган. 

Фото: Фавқулодда вазиятлар вазирлиги матбуот хизмати

Ёнғин кафенинг тахминан 200 квадрат метрдан ортиқ майдонида содир бўлган. Қурбонлар ва жароҳатланганлар йўқлиги маълум қилинмоқда.

Top