Chilida koronavirusdan sog‘ayganlarga guvohnoma beriladi

Chili hukumati dunyoda birinchi bo‘lib koronavirusdan sog‘aygan fuqarolarga guvohnoma berishni boshlaydi. Bu haqda mamlakat sog‘liqni saqlash vazirligiga tayanib BioBioChile radiosi xabar berdi.

Foto: Reuters

Guvohnoma koronavirusdan to‘liq sog‘ayganlarga beriladi. Sog‘liqni saqlash vazirligining qayd etishicha, ularda kasallikka nisbatan immunitet hosil bo‘ladi, ular kamida bir yil davomida koronavirus tashuvchilari bo‘lishmaydi.

Mamlakat sog‘liqni saqlash vazirining aytishicha, kasallikdan sog‘ayganlarda immunologik xotira rivojlanadi va ularning qayta kasallanishi deyarli nolga teng.

Radioning xabar berishicha, o‘z navbatida Jahon sog‘liqni saqlash tashkiloti insonda koronavirusga qarshi antitanachalarning bo‘lishi unda kasallikka nisbatan immunitet hosil bo‘lishini yuz foiz kafolatlamaydi degan fikrda.

#Chili #koronavirus