Eronda koronavirus sababli mingdan ortiq xorijliklar qamoqxonalardan ozod qilindi

Koronavirus sababli mingdan ortiq xorijliklar qamoqxonalardan ozod qilindi, deb ma'lum qildi eron sud hokimiyati rasmiy vakili G‘ulomhusayn Ismoiliy.

"Biz yuz ming mahbus bilan birga mingdan ortiq xorij fuqarolarini ham ozodlikka chiqardik", - deya uning so‘zlaridan iqtibos keltirmoqda Mizan Online agentligi.

Hukumatning bildirishicha, ular asosan og‘ir jinoyat sodir etmagan, jamiyatga xavf solmaydigan shaxslardir.

Oxirgi ma'lumotlarga ko‘ra, Eronda koronavirus yuqtirish bilan bog‘liq 83,5 mingdan ortiq holat aniqlangan, 5,2 ming kishi vafot etgan, 60 mingga yaqin kishi sog‘aygan.