16:26 / 21.04.2020
8809
Коронавирус тарқалишини тўхтата олган Ҳонгконг карантин муддатини узайтирди

Коронавирус эпидемияси сабабли Ҳонгконг ҳукумати томонидан киритилган чеклов чоралари яна икки ҳафтага узайтирилди. Бу ҳақда Ҳонгконг маъмурияти раҳбари Кэрри Лам маълум қилди.

Фото: Felix Wong

Лам 23 апрель куни тугаши лозим бўлган карантин камида 7 майгача узайтирилишини эълон қилди. 

«Ҳозир қувонишнинг вақти эмас. Агар бўшашсак, барча қилган ишларимиз чиппакка чиқади», деди у.

Аммо унинг айтишича, айрим чоралар юмшатилади.

Кеча Ҳонгконгда март ойидан буён илк марта коронавирус юқтириш билан боғлиқ бирортаям ҳолат қайд этилмади. Январдан бери бу ерда 1025 киши коронавирусга чалинган ва тўрт киши вафот этган. 

Ҳонгконг бунга назорат чоралари орқали эришди: барча аҳоли тиббий ниқобда юрибди, ҳамма жойда қўлларни дезинфекцияловчи суюқликлар мавжуд, идоралар ва савдо марказларида ташриф буюрувчиларнинг ҳарорати ўлчанмоқда.

Ҳукумат қатъий карантин жорий этмади, аммо кўпчилик уйидан туриб ишламоқда. Ҳозирда мактаблар, спорт заллари ва кўнгилочар муассасалар ёпиқ бўлиб, хориждан кириш тақиқланган.

Мавзу
Коронавирус
2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.
Барчаси
Top