Fransiyada sentyabrgacha ommaviy tadbirlar o‘tkazilmaydi

Fransiyada 5 mingdan ortiq kishi qatnashadigan ommaviy tadbirlar sentyabrgacha o‘tkazilmaydi. bu haqda mamlakat bosh vaziri Eduar Filipp ma'lum qildi.

"Yirik sport, madaniyat tadbirlari, xususan festivallar, salonlar, 5 mingdan ortiq kishi qatnashadigan barcha tadbirlar haqida prefekturaga ariza berilishi va ular o‘tkazilishidan ancha avval tashkillashtirilishi lozim. Tadbirlar sentyabrga qadar o‘tkazilmaydi", - dedi Filipp.

Uning so‘zlariga ko‘ra, 11 maydan boshlab jamoat joylaridan o‘ndan ortiq kishi to‘planishi cheklanadi.

Hukumat rahbari ibodat maskanlari ochiq qolishini aytib o‘tdi.

Fransiyada koronavirus tarqalishi sababli 17 martda aholi harakatlanishiga nisbatan qat'iy cheklovlar kiritilgandi. 

Oxirgi ma'lumotlarga ko‘ra, mamlakatda 128 mingdan ortiq kishi koronavirusga chalingan, 23,2 mingdan ortiq kishi vafot etgan.