Singapurda robot-it odamlar orasidagi ijtimoiy masofani nazorat qiladi

Singapur rasmiylari shahardagi Bishan-Ang Mo Kio bog‘ini patrullashda Boston Dynamics kompaniyasining Spot nomli robot-iti qo‘llanishini e'lon qilishdi. Robot koronavirus pandemiyasi sharoitida odamlar orasida saqlanishi kerak bo‘lgan ijtimoiy masofa ortidan kuzatadi.

Foto: Twitter /jonerp

Robot-it zarurat bo‘lsa, tashrif buyuruvchilardan bir-birlaridan xavfsiz masofaga uzoqlashishni so‘raydi. Robot bog‘da ikki haftalik sinov doirasida qo‘llanadi.

Qo‘yilgan vazifalarni bajarish uchun robot kameralar, dinamik va boshqa zarur qurilmalar bilan jihozlangan. Rasmiylar kameralar odamlar yuzini identifikatsiya qilish uchun emas, balki masofani kuzatish uchungina qo‘llanishini aytishgan.

“Spot turli murakkablikdagi hududlar bo‘yicha harakatlana olishi sababli tanlandi. Agar sinovlar muvaffaqiyatli o‘tsa, unda robot-itlar boshqa bog‘larni va hattoki ko‘chalarni patrullaydi”, deyilgan hukumat saytida.